കറുത്ത രാവിന്റെ പദവിന്യാസം കെട്ടു..
ഭയന്നു ഞാനന്നുറങ്ങാതിരിക്കെ..
അരികത്തണഞ്ഞു..തഴുകിത്തലോടി..
ഉറക്കുമായിരുന്നെന്നെ മുത്തശ്ശി....
ആ സ്നേഹലാളനത്താഴിട്ടു പൂട്ടിയെന്
മനസ്സിന് ഭയങ്ങളെ ദൂരെയാക്കി..
മുത്തശ്ശിപോയൊരാ കാലടിപ്പാടുകള്
തിരയുന്നു ഞാനീ കറുത്തരാവില്.
രാവിന് പദസ്വനം കേള്ക്കവേ ഇന്നുള്ളില്
ഭയമല്ലൊരാനന്ദ കുളിരുകോരും,
മുത്തശ്ശിയമ്മതന് കാലടിയൊച്ചപോല്
ഹൃദ്യമീന്നീ രാവിന് പദവിന്യാസം
