തുമ്പപ്പൂഞ്ചേലൊത്ത സുന്ദരിപ്പെണ്ണാളേ
കാക്കപ്പൂപോലുള്ള കരിമിഴിയാളേ.
ചെമ്പരത്തി ചെഞ്ചുണ്ടില് പുഞ്ചിരി വിരിയും
റോസാപ്പൂങ്കവിളുകളില് നുണക്കുഴിതെളിയും
മുക്കുറ്റിപ്പൂപോലേ മൂക്കുത്തിയണിഞ്ഞോളല്ലേ,
തെച്ചിപ്പൂപോലേ കമ്മലണിഞ്ഞോളല്ലേ
സുന്ദരിപ്പെണ്ണാളേ, കരിമിഴിയാളേ
വക്പ്പൂമേനിയില് പട്ടുടുത്തോളേ..
കാർമുകിൽചുരുളൊത്ത കാർകൂന്തൽ പെണ്ണാളല്ലേ,
കാട്ടുതുളസിക്കതിർ ചൂടി നടന്നോളല്ലേ..
സുന്ദരിപ്പെണ്ണാളേ, കരിമിഴിയാളേ
കനകമുടിയഴിച്ചിട്ടു മിന്നി നിന്നോളേ..
